«بنت الـ21 عاما» .. تخطف الأنظار لتضع بصمتها تحت سماء العالمية
حوار- علاء عيد
عندما يختلط الفن بالموهبه ، فتصبح بنت ال 12 عاما فنانه تخطف انظار العالم
ممكن نتعرف بيكي ؟
-اسمى ايمان طارق السعدني
منين يا ايمان ؟
-من محافظة الدقهلية مركز طلخا
انتي سنك 21 سنة يا ايمان؟
-اه 21 سنة
انتي بتدرسي فين ي ايمان؟
-كليه حاسبات معلومات جامعه المنصوره قسم عماره وديكور
وايه المجالات اللي بتدريسها ؟
-بدرس الفن الاكاديمي و بدرس فن التصوير وكمان فن الترشيح و اشغال معادن الالومنيوم
ايمان ، اكتشفتي موهبتك دي امتى؟
-الموهبه موجوده من الطفوله وكنت بلاقي تشجيع من اصحابي و العائلة على رسوماتي بس بدأت اتطور من الثانوي و بدأت اخد كورسات كتير وبدأت أدرس الفن الاكاديمي بشكل صحيح
جميل، وايه كمان يا ايمان ؟
-وكمان اخذت شهاده معتمده من نقابه الفنانين التشكيليين الدقهليه
وكمان شاركت فى مسابقات كتير اونلاين واخدت مركز الاول
هل اشتركتي في معارض قبل كده ؟
- اه تم عرض اعمالي فى مرسوعات الفنية واشتركت في المعارض في معرض رؤي العربيه الثامن 2021 ومعرض لمسات عربيه مقام بجاليرى كليوباترا الثقافة والفنون 2021
ومعرض حوار في الفن 2022-معرض اجمل بورتريه 2022 ومعرض الفنانين الدوليين من ايلونا لاكاتوس2022 ومعرض الدولي الافتراضي من ايلونا لاكاتوس 2022 ومعرض عبر عن بفنك 2022 ومعرض معرض يوم الفن العالمي البيرو 2024
وشاركت في معرض سيبولنا المتحف 2024
ممتاز يا ايمان، ايه الادوات اللي بتستخدميها في الرسم ؟
-الادوات اللى باستخدامها فى الرسم
بستخدم معظم الماتريال الرصاص والفحم و الزيت و الباستيل و الوان الاكريليك
ممكن رسم اللوحه تاخد منك وقت اد ايه ؟
-على حسب المقاس الصوره و حجمها يعني ممكن فيه لوحات تاخد وقت بيكون مساحتها كبيره وفيها تفاصيل اكتر فى ممكن تاخد اسبوع مني أو اكتر
نفسك في ايه يا ايمان؟
-نفسي افتح اكاديميه فنون كبيره ومعروفة فى مصر والعالم العربي و اعلم فيها معظم الفنون
واقدر اشارك فى معارض عالميه واقدر اعمل معرض خاص بيا يكون ليا أسمى فى مجال الفن التشكيلي
وحالياً بدرس الاطفال انواع الفن المختلف و بشكل اكاديمي.
وفي نهاية حوارنا مع الفنانة الصغيرة الموهوبه ايمان، نتمنى لها الوصول للعالمية بفنها الراقي والجميل .
