حوار – علاء عيد
عندما يبدع الفنان ليصبح نجم في سماء الفن الجميل ،
كان معنا لقاء مع احدى الفنانات وبنت محافظة كفرالشيخ ، والتي تميّزت بالرسومات الجميلة والمختلفة
ممكن نتعرف بيكي ؟
-هند عادل كرد
منين ي هند ؟
من كفر الشيخ ، مركز مطوبس .
بتدرسي ايه ؟
-انا بدرس في كليه الحقوق جامعه الاسكندريه وخلاص بقيت خريجة
كيف اكتشفتي موهبتك في الرسم ؟
- هو انا طول عمري بحب الرسم جدا وكنت ديما بشخبط من وانا في ابتدائي ، بس جيت ففترة تانية جامعه اول ما نزلت علينا كورونا واتحظرنا في البيت قولت ليه مش انمي نفسي في الموضوع دا واشتغل حاجة بحبها مثلا ومن هنا بدأت ، سمعت فيديو لفنان عرفت الخامات واي الاستخدامات اللي هتسعدني وبعدين استمريت بقا ، يدوب بقالي حاولي سنتين ونص ومبسوطة جدا جدا حاليا بالمستوي اللي وصلت ليه وان شاء الله استمر واوصل لاحسن من كدا .
هل حصلتي على جوائز او تكريمات ؟
_ من اول ما بدأت صراحة مش حاولت اني اشترك وكدا بس اخر سنة ليا دي قولت اني اشارك وكدا وحاليا اشتركت في أربع معارض واخدت فيهم ادرعه واخدت شهادات تقدير فيهم .
هل هواية الرسم أثرت على دراستك ي هند ؟
_ لا طبعا ماثرتش لأنها بعيداً تماما عن دراستي وانا بدي لدراستي اهميه برضوا بحضر الكلية وبنزل كورساتي وجمبهم برسم وكدا بحيث اني مقعش في حاجة واقدر اعمل الحاجة اللي بحبها .
من هم أكثر الناس تشجيعًا لك في حياتك ؟
_ اخواتي واهلي وصحابي طبعا .
ما الصعوبات التي واجهتها في مشوارك الفني ؟
_ يعني ممكن كان بيجيلي Black Art وكنت بقعد باكتر من اربع شهور مثلا فاني اقعد واكسل .
ما هي الأدوات الني تستخدمها في الرسم ؟
_ف الرصاص بستخدم اقلام رصاص فبري كاستيل واسكتش كانسون ،
ف الفحم بستخدم فرش وادوات دمج وبدره فحم ،
ف الالوان استخدمت اقلام الوان فبري كاستيل و الوان باستيل ماريس .
كم من الوقت تستغرقي في رسم لوحة ؟
_الوحه بتستغرق وقت يوم او يوم ونص .
ما هي أحلامك الكبيرة التي تسعى لتحقيقها ؟
_احلامي المستقبليه ان اصبح فنانه تشكيله ،
وافتح مرسم ومعرض باسمي ف كفرالشيخ بفضل الله .
وفي النهاية نأمل اتاحة الفرص لتلك المواهب الشابة ووضعها على طريق العالمية.
