حافظوا علي نفسية أولادكم
بقلم خيريه الصباغ
أسيوط
كل البرامج في التليفزيون بيتكلموا علي المحافظه علي نفسية الأولاد وعلي نفسية الأطفال لو زوجه جاهله وغير واعيه وطماعه وغير راضيه علي فلوس زوجها اللي بيديها لها كمصروف للبيت وعايشه في شقة الزوجيه والزوج خرج للعمل ولم يخرجها هي وأولاده من شقة الزوجيه لكن عندها مرض الطمع وذهبت للمحكمه وجابت محامي ماشاء الله عليه وجابلها نغقه كبيره عن دخل الزوج أبو أولادها وقضايا اخري متلاحقه علي الزوج تابعه للأحوال الشخصية وأصبح علي الزوج ابو اولادها مبالغ كبيره مش قادر يدفعها للمحكمه دخله الشهري غير كافي كل المطلوب منه لإن محامي الزوجه ماشاء الله عليه وإتحبس الزوج وابو الأولاد لإنه مش قادر يدفع الفلوس الكثيره المطلوبه منه إزي نفسية الأولاد بعد حبس أبوهم وخصوصا لما يعرفوا إن أمهم السبب في حبس أبوهم ياريت نغرس في بناتنا إن الراحه النفسيه لأولادنا أهم من الفلوس أما بالنسبه للفلوس دي أرزاق مقسمه وكل واحد ونصيبه في الأرزاق وليست لأي مخلوق التدخل في شئون الأرزاق الذي قسمها ربنا سبحان وتعالي وياريت يكون فيه مسافه في الوقت كافيه بين القضيه والاخري حتي يستطيع الزوج ابو الأولاد دفع الفلوس الكثيره المطلوبه منه في القضايا المتلاحقه بدون رحمه ياريت الزوجه ام الأولاد ترضي بما قسمه الله لها من رزق وتعيش بيه أتمني اري الرضا في قلوب الناس وفي ضمائرهم
