- المشكلة فين ؟؟
بقلم- مريم فخري
عارفين المشكله فين
ان احنا بقينا قاسين
ديما بنقطع فى بعض
سانين على بعض السكاكين
مش بنحط اى اعزار
صعب علينا الاعتزار
شايفين نفسنا ابرار
وهما تملى غلطانين
عارفين المشكله فين
فى الهم اللى بقاله سنين
ماسك فينا اوى ومتبت
وكأننا اصحاب انتيم
بس بجد الوضع اليم
لازم نخرج من دايرتنا
علشان نحس بالباقين
علشان نشوف ان مشاكلنا
مش هى اخر الكون
واللى يشوف حال غيره
حاله عليه بيخف وبيهون .
