روايات بوليسيه .. الحلقة الثالثة

للكاتب عبد العزيز عبد الرحمن

        الحلقه الثالثه..

منير بيه.. بيستلم التقرير النهائي للطب الشرعي.. والذي جاء فيه كل ما سبق ذكره… بالاضافه لوجود طعـ ـنه اسفل الذراع الايمن
للقتـ ـيل… اخترقت القفص الصدري محدثه كسر بفقرتين منه واصابه الرئه.. محدثه نزيـ ـف داخلي….
والسـ ـلاح المستخدم في تلك الطـ ـعنه ( سيخ شوي) والجاني منفذ تلك الطـ عنه… آيسر…

…… وتم تفريغ كاميرات الفيلا….. كل محتويات جهاز التسجيل لمده شهر كامل من قبل وقوع الجريـ ـمه….. لكن تلك التسجيلات جميعها قبل ميعاد الحادث…. باسبوع….. لوجود عطل في جهاز التسجيل ادي لتوقف التصوير نهائيا قبل الحادث باسبوع……

منير بيه…. ومعاونيه…..
بيشاهدوا محتويات التسجيلات التي تم تسجيلها بواسطه كاميرات الفيلا….. وبناء عليه تم تحديد… جميع الفتيات الاتي ترددن علي فيلا القتـ يل خلال تلك الفتره…. وتم اخطار كافه الاجهزه لتحديد هويتهم…. واستداعائهن للمثول للتحقيق….
وايضا تم استخراج كافه بيانات موبايل…. الاسطي محمود السواق…..
منير بيه… بيضرب الجرس وبيطلب فنجان قهوه….
وبيطلب احضار ( محمود) من الحبس….
منير بيه : محمود.. انت عايز تخرج من هنا ولا عايز تفضل مشرف هنا شويه…
الاسطي محمود : ابوس ايدك
ياسعاده الباشا… خرجني من هنا… والله العظيم ما.. قت لته..

منير بيه : عارف يا محمود… واتاكدنا انك برئ من تهمه القت ل
من العينه اللي اتاخدت منك..
بس دا ما يمنعش اني اتهمك… بجريـ مه ( تسهيل الزنـ ا ) ( والقـ واده)… ودول عقوبتهم
مش بسيطه… بس ممكن تتخفف لو ساعدتنا في الوصول للجاني…

الاسطي محمود : خدامك ياباشا… بس بلاش السجن ابوس ايدك…. حرمت
منير بيه : البنات… تعرفهم كلهم
الاسطي محمود : بنات ايه سيادتك..
منير بيه : لا كدا مش حلو علشانك .. هتستعبط… انت احسن حاجه ليك الحبس… ياعسكري..
الاسطي محمود : ايوا اعرفهم.. واعرف اماكن البعض منهم
والباقي معايا نمرتهم…. الا واحده فقط… معرفش عنها حاجه
جت مرتين ثلاثه بس.. وكل مره مكنتش بتقعد كتير لمؤاخذه… كبيرها ساعه وتمشي…
منير بيه : متعرفش اي حاجه عنها…
الاسطي محمود : اقسم بالله العظيم ما بكذب عليك..
منير بيه : لو شفت البنات دول تقدر تتعرف عليهم..؟
الاسطي محمود : اكيد سعادتك
منير بيه : طيب.. عايزك تتصل بيهم كلهم وتديهم ميعاد وتخليهم يحضروا بنفسهم للفيلا
بحجه انك بتصلح العربيه… تمام
الاسطي محمود : حاضر… حاضر

…. وبيتم الاتصال وتحديد الميعاد…. مع كل البنات…. الا واحده فقط….
وبالفعل بتحضر الفتيات في الميعاد المتفق عليه لكن المفاجئه
كانت في كمين من المباحث
للقبض علي تلك الفتيات جميعا لبدء التحقيق معهن….
وتعرف عليهن جميعا ( محمود)
وثبت… من خلال التحريات… وتحليل العينات…. برائه كافه الفتيات…..من تهمه القتـ ل…

….. ايضا…. كابتن احمد معاون المباحث…. تمكن من القاء القبض علي ( احمد) صديق القتـ يل
ووجد( شريف) صديقه الاخر بالمستشفى بغرفه العنايه…

منير بيه : امر بالتحفظ علي (احمد)…. والانتقال للمستشفى
لمعرفه ما حدث( لشريف )…
وهناك….
منير بيه… للطبيب المعالج
منير بيه : هي حالته ايه بالظبط
الطبيب : حروق خطـ يره افقدته بصره…. نتيجه تعرضه لماده كميائيه…. شديده الخطوره في الغالب ( مايعرف… ماء نـ ار…)
وايضا حـ روق بكلتا يديه…. وهو في حاله غير مستقره الان…ولم نتمكن بعد من السيطره علي حالته… لذلك تم وضعه في العنايه… تحسبا لاي مضاعفات…
منير بيه : من امتي وهو محجوز هنا….؟
الطبيب : اسبوع. تقريبا…
منير بيه : محدش بيزوره.. بيطمن عليه..
الطبيب : الحقيقه لا
منير بيه : طيب ما اتكلمش من ساعتها…. مقلش حاجه… مطلبش حاجه… يعني مقلش مين اللي عمل فيه كدا.؟
الطبيب : لا بيتكلم…. بس هي جمله واحده بس…. ( دا ذنبها .. دا ذنبها…)
منير بيه : هي مين..؟
الطبيب : معرفش… و علشان كدا وعلشان المسؤليه الجنائيه… احنا بلغنا نقطه المستشفى…. وحاولوا ياخدوا منه افاده… لكن حالته كانت سيئه… ودا اللي منعهم
منير بيه : تسمح حالته داوقتي باستجوابه….
الطبيب : لا… بس هكون علي اتصال بحضرتك.. لما حالته تسمح باستجوابه هبلغك…
منير بيه : باسرع وقت…..

….. بالرجوع للقسم.. وداخل مكتب منير بيه.. وبوجود معاونيه….. بيطلب منهم سرعه تحديد كلا من
اولا.. الشخص اللي اتعارك مع ( عمر) وتوعده بالقتـ ل

ثانيا… الفتاه التي نشبت بسببها معركه بين (القـ تيل.. وعبده الطباخ)…وعلاقته بكلاهما

ثالثاً…. اذا افترضنا… ان هناك فتاه اخري غير…. قريبه عبده الطباخ…. لازم تحددواها… ويتم الضبط والاحضار للجميع..

وبعد انصراف الساده معاوني المباحث….. من مكتب منير بيه
يأمر…. باحضار ( احمد) صديق القتـ يل للتحقيق معه..

منير بيه : اسمك. سنك. عنوانك
احمد : احمد الدمنهوري
٢٨ سنه…
ساكن في احد الاحياء الراقيه… بالقاهره

منير بيه : بتشتغل ايه؟
احمد : مهندس حاسبات ومعلومات في شركه… وعندي شركتي الخاصه..
منير بيه : انت تعرف القتـ يل من امتي؟
احمد : احنا اصدقاء من ثانوي
ودخلنا مع بعض الجامعه
بس (عمر) في كليه مختلفه….عننا انا وشريف… كنا دفعه واحده….
منير بيه : انت عايش مع مين؟
احمد : قاعد لوحدي… ابويا وامي… خارج البلاد للعمل..
منير بيه : ما هو قولك في استدراجكم البنات… واقامه علاقات محرمه معهن…؟ وممارسه الرذيـ له…
احمد : انا هعترف لحضرتك..

وهنا اعترف احمد بكل شئ يخص تلك السهرات المحـ رمه… من ممارسه الرذيـ له مع فتيات ليل…. واخريات ( تم اجبارهن)
وسكر… وتعـ اطي المخـ درات
وهنا… استوقفه
( رئيس المباحث) لسؤاله…
منير بيه : احمد انت قلت في بنات آجبرت علي الفعل دا… ازاي يعني ايه وسيله الاجبار او الضغط عليهم علشان يعملوا كدا

احمد : لا…. سيادتك… اقصد يعني من الناحيه الماديه.. بنعرض عليهم فلوس وهما بيوافقوا.. علشان فقراء…. سيادتك
….. هنا فهم منير بيه انه بيحاول يخدعه… ومش هو دا السبب الحقيقي لاجبار البنات….
منير بيه : متاكد….
احمد : اكيد.. وانا هكدب ليه علي سيادتك…. انا صارحتك بكل حاجه… انا اصلا مليش علاقه بالجريـ مه دي….

منير بيه : لا سيب لينا احنا…. اللي نقول.. مين ليه علاقه… ومين لا…. مفهوم…
صحيح قولي…. اخر مره شفت القتـ يل كانت امتي؟
احمد : صباح يوم الحادثه….
منير بيه : ايه اللي حصل ساعتها
احمد : كنا قاعدين… مع بعض
وفجأة… جرس الباب ضرب قام
(عمر.) .. يفتح… لقينا الراجل اللي اتخانق معاه (عمر) قبل كدا وراحوا الاثنين… القسم…. بسبب الخناقه دي…
لقيناه داخل هاجم علي (عمر) ومسكه من لياقه القميص وضـ ربه بالقلم… بسرعه حاولنا انا وشريف نبعد الراجل… وبصراحه حاولنا نمسكه علشان (عمر) يرد ضربته
بس هو كان ضخم وكمان طلع
( مطـ واه) من جيبه بعدنا بيها
وكسر الفاظه علي الارض وجري ناحيه الباب…. وقال( لعمر ) هقـ تلك… مش هسيبك….
الكلام دا كان قدامي انا وشريف
وكمان شاف الكلام دا… الاسطي محمود… وعبده الطباخ….
منير بيه : انت قلت انهم دخلوا قسم الشرطة….. اي قسم.. يعني مكانه فين…. قسم الشرطه دا
وامتي حصلت الواقعه دي بالظبط؟
….. وبعد اخذ البيانات…. من احمد….
منير بيه ؛ هل لديك اقول اخري
احمد : لا
منير بيه : امضي علي أقوالك…
وآمر باخذ عينه منه… لمطابقتها
وكذلك آمر بحبسه…..

وبعد الانتهاء من التحقيق واثناء تناول منير بيه…. فنجان القهوة.. وشرب السيجاره…. تذكر كل ما قاله….. ( احمد)…. وانتبه لكلمه اجبار بعض البنات…. وهنا دخل كابتن (احمد.. معاون المباحث)
منير بيه…. قاله تعالا معايا….
نروح مشوار…لفيلا القـ تيل…

…….. وبداخل الفيلا…… يبدء منير بيه بالبحث عن شئ لعله يجد سبب مقنع للاجبار… او دليل
او اي شئ قد يفيده…. في التحقيقات…
وبعد ساعات من البحث المتواصل داخل الفيلا…. لم يتم العثور علي اي شئ….
جلس منير بيه… و كابتن أحمد
في غرفه الضيوف.. بعد ان ارهقهم التعب… من البحث دون فائده…..
وفجأة وبدون مقدمات… كابتن احمد…. يا فندم… مش يلا بينا سيادتك… نروح… الظاهر مفيش فايده….
منير بيه… انت مستعجل…. اكيد ميعاد يا حضره الظابط.. متقلقش هوصلك في طريقي….
كابتن احمد… الحقيقه يافندم
انا عايز اغير هدومي…. وانام علي سريري…. من ساعه ما ابتدينا تحقيق وانا مشفتش طعم النوم…..
منير بيه…. استنا شويه…. قلت تنام فين..
كابتن. احمد.. انام علي سريري يا فندم….امنيه حياتي
منير بيه…. ورايا بسرعه يا حضره الظابط…. علي فوق
كابتن احمد . فوق فين سيادتك…
احنا قلبنا الفيلا من تحت لفوق…
منير بيه…. تعالا… انا متاكد اننا نسينا حاجه….

…وداخل غرفه النوم الرئيسية …
اول ما بيدخل منير بيه… الغرفه
بيفضل يضحك….
بالرغم من انه كان فيها مش وقت قصير…. ودور ولم يجد اي شئ…. لكن المره دي كان منتبه جدا…. لدرجه انه لاحظ، حاجه
ما اخدش باله منها لما دخل الغرفه دي المره الاولي…..

… كابتن أحمد…. سيادتك بتضحك على ايه يا فندم….
منير بيه…. احنا ازاي ماشفناش
دا قبل كدا…

كابتن احمد…. اللي هو ايه سعادتك… مش فاهم…
منير بيه…. بيشاور . للكابتن احمد…
علي مرايا….. تانيه… كانت موجوده في الغرفه… وبالتحديد
موجوده مباشره امام السرير…

كابتن احمد….. سيادتك تقصد..
منير بيه… بالظبط…. تعالا نشوف
اطفي نور الغرفه بالكامل…
وهات موبايلك….. او كشاف…

وهنا كانت المفاجأة…. بتوجيه نور الكشافه للمرايا…. تبين وجود فراغ خلفها….
وعلي الفور… افتح يا( احمد) النور…. وتعالا ساعدني….
وخلف المرايا…. وجدت ( كاميرا تصوير فيديو )…..
وتم نقلها لتفريغ كل المعلومات منها…. وجمع الادله…..

…. اتمني لكم قراءه مشوقه….

روايات بوليسيه..
للكاتب /عبدالعزيز عبدالرحمن