حوار- علاء عيد
فريق bicycle girls Assuit لتشجيع البنات و تعليم ركوب العجل للبنات باسيوط بقيادة الليدر “نغم وليد”
في بداية حوارنا نحب نتعرف عليكي ؟
-أنا نغم وليد 17 سنة من اسيوط، ليدر الفريق .
عاوزين نعرف يعني ايه bicycle girls Assuit ؟
-هو فريق عجل بنات من هواه و محبين ركوب العجل للبنات و التيم بنات فقط و ده اول تيم عجل بنات ف اسيوط بقيادتي كابتن نغم وليد.
ازاي ممكن البنات تشارك معاكم في الرايدات ؟
-معاكي عجله او مش معاكي احنا بنأجر عجل ل الناس اللي مش معاها و حابه تنزلي معانا رايدات تقدري تتواصلي معايا علي قنوات السوشيال ميديا و بيتم تحديد مواعيد الرايد علي جروب الواتساب اون لاين و بنتفق علي يوم نكون كلنا فاضيين فيه و بننزل كل اسبوع رايد و مع العلم ان جميع نشاطتنا مجانيه تماما .
لو فيه بنت عاوزه تتعلم ركوب العجل في اسيوط فيه مدربات، وفين الاماكن ؟
-بالنسبة ل ركوب العجل احنا بنوفر كل حاجه سيفتي و عجل و كل حاجه و اماكن التعليم في (نادي الجيش _ نادي الجامعه) و بيتم تحديد يوم مع الليدر “نغم” .
ازاي اشتري عجله كاش او قسط او اكسسوارات في اسيوط اشتري منين و بكام ؟
-لو عاوزه تشتري عجله ف اسيوط او اكسسوارات ل العجله ف هنقولك علي بعض المحلات الي نعرفها مع العلم ان الاسعار متغيره علي حسب نوع العجله.
لو فيه اطفال عاوزين يشاركوا معاكم، ينفع ؟
-في ايام للتدريب فقط بيتم تعليم الاطفال و جميع الاعمار من اول 10 سنوات.
وفي نهاية حوارنا مع “نغم” ليدر الفريق نتمنى لكم التوفيق والنجاح والاستمرار في ممارسة الرياضة .
