حوار – علاء عيد
✍️ في لفته غريبة من نوعها على أرض محافظة أسيوط، ارتبط اسم طفل باسم رئيس دولة الإمارات العربية المتحدة …
“آل نهيان” هو اسم طفل مواليد إحدى قرى مركز محافظة أسيوط .
في بداية حوارنا كان لنا لقاء مع والد الطفل “آل نهيان” للوقوف على ما وراء الكواليس ؟؟
🎤- اهلا بحضرتك حاج مصطفى
: اهلا بيكم
🎤- نحب نتعرف بيك الاول ؟
: انا مصطفى الهمشري علي، من قرية بهيج مركز اسيوط وبشتغل في الملابس الجاهزة وعندى حوالي 40 سنة.
🎤- ابنك العسل ده ؟
: اه ابني “ال نهيان”
🎤- ماشاء الله ربنا يحفظه ، عاوزين بقى نعرف سر اصرارك على أن يبقى اسمه “ال نهيان” وهل له اسم تاني ؟
: لا هو اسمه في شهادة الميلاد “ال نهيان” ، انا حبيت الاسم ده بناء على حبي لرئيس دولة الإمارات سمو الشيخ “محمد بن زايد آل نهيان” وعشقي للبلد دي واكن لهم كل حب ومودة
🎤- ابنك “ال نهيان” مواليد مصر ولا الامارات ؟
: لا مواليد مصر مركز صحة قرية بهيج محافظة أسيوط
🎤- ابنك مواليد سنة كام يا حاج مصطفى ؟
: مواليد 20/4/2023
🎤- ما شاء الله يعني عنده حوالي سنتين ونص ؟
: يعني تقريبا
🎤- انتوا قاعدين فين يا حاج مصطفى ؟
: احنا قاعدين في قرية بهيج
🎤- انت معاك اطفال تاني غير “ال نهيان”؟
: اه معايا ابن تاني اكبر منه
🎤- مش شايف أن الاسم غريب شوية وخصوصا هنا في الصعيد وحتى لما ربنا يكرمه ويكبر هيبقى غريب في المدرسة ؟
: انا بحب الاسم ده جدا، وان شاء الله عندى امل في ربنا وحاسس انه هيكمل دراسته في الامارات
🎤- أن شاء الله ربنا يكرمه ونشوفه ناجح على أرض الإمارات العربية ، ونتمنى أن يكون تحت الرعاية المصرية الإماراتية ووجهة مشرفة للصعيد
: أن شاء الله
🎤- وفي آخر حوارنا تحب تقول حاجة تاني يا حاج مصطفى؟
: بدعي ربنا واسأله الرضا والتوفيق لأولادي واتمنى اشوف ابني “ال نهيان” داخل الأراضي الإماراتية واتمنى مقابلة سمو الشيخ محمد بن زايد آل نهيان .
✍️-في نهاية حوارنا: الحاج مصطفى رجل ريفي ذات طابع اصيل، رجل عصامي ذاع صيته بالادب والأخلاق بين أهالي القرية، يأمل في الخير له ولأبناءه …
عاشق لبلده مصر 🇪🇬
