الفرق بين البروتين الحيواني والبروتين النباتي ؟ وازاى اعرف الفرق بين البروتين انه حيواني او نباتي ؟ هي الجبنة بروتين نباتي ولا حيواني ؟

كتبت : كابتن نيفين الناغي

مصادر البروتين ف الغذاء مقسومة ل #مصدرين اساسين ,, وهم :-

1 = المصدر الحيواني .
2 = المصدر النباتي .

انت كشخص رياضي , او كشخص ماشي ع انظمة غذائية صحية غرضها تحسين صحتك
او فقدان الوزن , او اكتساب الوزن , محتاج المصدرين , المصدر النباتي والمصدر الحيواني .


انا بكتب المقال دا عشان شوية نقط صغيره بس مهمة جدا ,,, وهي :-

= البروتين الحيواني والنباتي الاتنين بيكملوا بعض , والاتنين انت محتاجهم , والاتنين متقدرش تستغني عنهم .

= انت بيكون ليك كم بروتين معين محتاج تدخله لجسمك , خصوصا للناس ال بتزيد ف الكتلة العضلية , او بتشتغل ع التطور العضلي , كمية جرامات البروتين ال جسمك محتاجها
وتشكيلة وتنويعه الاحماض الامينية ال جسمك محتاجها , عشان توصله لازم تكون بتاكل ف نظامك النوعين , سواء بروتين حيواني او نباتي .

= البروتين الحيواني هو_الاقوي , هو الاكثر_مثالية , عشان هو فيه كل الاحماض الامينية ال جسمك بيحتاجها
,,,
نيجي نبص ع البروتين النباتي , هنلاقي ان ايوة فيه احماض امينية متعدده , لكن
بيفتقد لاحماض امينية كتيرة , خصوصا من النوع الاساسي , ومن نوع_البي_سي_اا
الاحماض الامينية المتشعبه
,,,
وبناء عليه لو هدفك تغذي_عضلاتك باكبر شكل وتوصل لاحلي شكل عضلي ممكن , هيكون صعب جدا تعمل دا وانت معتمد ع النظام والبروتين النباتي فقط .

= ف نفس الوقت متفتكرش ان البروتين النباتي حاجة وحشة ولا ضعيفه , ابدا ,
بالعكس انت من المصادر النباتيه دي ممكن تدخل لجسمك رقم بروتين كويس وتزود الرقم ال بتدخله من المصادر الحيوانية , وكمان ميزة المصادر النباتيه انها بتدخلك معادن وفيتامينات والياف بشكل مميز جدا ودي كلها حاجات صحية جدا جدا ومهمة لكل جزء ف جسمك .

= البروتين النباتي كمان ف بعض الحالات ولبعض الامراض زي مشاكل الكبد , بيكون المريض دا محتاج كم بروتين كافي يوميا ولكن مش مستحب انه يكون من مصدر حيواني بشكل كبير , فهنا بيكون للبروتين النباتي الاولوية كمان ! .
___________

الخلاصه :-

* لازم تدخل البروتين النباتي ف نظامك الغذائي ايان كان هدفك , البروتين النباتي
ليه فايدة ودور كبير ف مشوارك *

* ولكن البروتين النباتي هو غير كامل 100% وبناء عليه مينفعهش تعتمد عليه هو فقط اعتماد كلي خصوصا ف حالات الرغبه ف الوصول لنضوج وتطور عضلي كبيرومميز *

* اكثر النباتات كنسبة ف البروتين , خصوصا عشان فترات الصيام وضرورة تجنب المصادر الحيوانية :-

– المشروم
” كنز فوايد بالاضافه للبروتين ال فيه زي ما اتكلمنا عنه بالتفصيل امبارح وهتلاقي المقال ف التعليقات ” .
– البقوليات ” عدس – فول – فاصوليا بيضاء ” .
– المكسرات ” لوز – فسدق – عين جمل “
– البروكلي ” الكبير المهم جدا لهرمونات الجسم وللمناعة ” .
– السبانخ و الفاصوليا الخضراء .
*


طيب ازاى اعرف البروتين دا نباتي ولا حيواني ؟ عشان ف ناس كتير بتتلغبط

انت هتمشي ورا خط الانتاج , وهترجع بالخطوات للمنشأ
مثلا :-

* الجبنة القريش , هي جبنة , معمولة من اللبن , اللبن دا ال جاي من البقر او الحيوانات
يبقي بناء عليه الجبن القريش #بروتين_حيواني .

* المشروم , جاي من الارض , من الزرع , جاى من التربة او النبات
يبقي المشروم مصدر بروتين نباتي .

* زبدة الفول السوداني , جاية من السوداني ال هو ثمرة وزرع , يبقي الزبدة مصدر بروتين نباتي .

وهكذا , طبق النظرية ع اى حاجة تقابلها وشاكك فيها انها نباتي او حيواني .
,,,,,,

مقال بسيط ولكن مهم جدا , وعليه اسأله كتير , وناس كتير مش فاهمة الموضوع صح
فيارب يكون الكلام بقي واضح وسهل ومفهوم للكل
واستني دايما الجديد والمفيد ال مش هتلاقيه ف اى مكان تاني بفضل الله